पूर्वसूचनेशिवाय घडलेली घातक घटना म्हणजे अपघात होय. रस्तावरच्या अपघातामध्ये जखमी होणाऱ्यांचे प्रमाण अधिक असते. अपघातांमधून वाचलेल्या व्यक्तींमध्ये जखमांचे अल्पकालीन किंवा दिर्घकालीन परिणाम राहतात. उदा. अपघातामध्ये हात-पाय, डोळे जाणे, स्नायू आखडून व्यंग तयार होणे, भाजलेल्या व्यक्तीची त्वचा खराब होणे इत्यादी. रस्त्यावरचा अपघात हा एक गंभीर व गुंतागुंतीचा विषय आहे.
प्रथमोपचार :
– अपघात झालेल्या व्यक्तीस बाजूला काढा. उदा. अंगावर काही अवजड वस्तु पडलेली असल्यास ती बाजूला काढा.
– रक्तस्त्राव होत असेल तर तो थांबवा. शक्य असेल तर जखमा स्वच्छ करून फडक्याने बांघून घ्या.
– व्यक्तीची श्वसनक्रिया व नाडीचे ठोके तपासून घ्या जर या क्रिया बंद असल्यास कृत्रीम उपयांनी चालू करण्याचा प्रयत्न करा.
– जखमी व्यक्तीस हालवताना योग्य ती काळजी घ्यावी. तीन चार व्यक्तींची मदत घ्यावी.
– एक चादर व दोन बांबू वापरून स्ट्रेचर बनविता येऊ शकते.
– अपघात झालेल्या व्यक्तीस शक्य तितक्या लवकर दवाखान्यात पोहोचविण्याची व्यवस्था करावी.